|
юзлантирди. У Зот бу Умматга Аллоҳнинг оятларини тиловат қилиб берадиган, Қуръону суннатни танитадиган, ваҳийдан бошқа йўл билан ўрганиб бўлмайдиган билимларни ўргатадиган, уларни ширк нажасларидан поклайдиган бир пайғамбарни юбориб, фазлу марҳаматининг нақадар буюклигини кўрсатди. Худди шунингдек, унга мана бу неъматини мукаммал қилиб берди.
كَمَا أَرْسَلْنَا فِيكُمْ رَسُولاً
(Шунингдек, сизларга бир пайғамбар юбордик). Бу жумла олдинги жумла билан боғланган. Коф ҳарфи ташбеҳ – ўхшатиш учун қўлланяпти. Яъни, биз сизларга пайғамбар юбориш билан қандай инъом қилган бўлсак, қиблани кўрсатиб, сакраш кофирларнинг ҳужжатларини пучга чиқариш билан ҳам ўшандек инъом қилдик.
(يُزَكِّيكُمْ сизларни поклайдиган). Сизларни ширкдан поклайди(ган).
2- Охирги оятда Аллоҳ Таоло бандаларини тил билан ҳам, дил билан ҳам, бошқа аъзолар билан ҳам Аллоҳни эслаб туришга буюряпти. Аллоҳни эслаш Аллоҳ рози бўладиган барча воситалар билан Исломга даъват этишдир. Шунда Аллоҳ уларни улуғ савоб билан тақдирлайди. Ҳар икки «Саҳиҳ»да келади:
«مَنْ ذَكَرَنِى فِى نَفْسِهِ ذَكَرْتُهُ فِى نَفْسِى، وَمَنْ ذَكَرَنِى فِى مَلإٍ مِنْ النَّاسِ ذَكَرْتُهُ فِى مَلَإٍ خَيْرَ مِنْ مَلَئِهِ»
«Ким Мени ичида эсласа, Мен ҳам уни ичимда эслайман. Ким Мени бир жамоанинг ичида эсласа, Мен уни унинг жамоасидан яхшироқ жамоанинг ичида эслайман».15 Шунингдек, Аллоҳ бандаларини Ўзи берган неъматларга шукр қилишга, уларга нонкўрлик қилмасликка ҳам буюряпти. Токи, бу неъматлар давомли бўлсин.
وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ
– „Яна Парвардигорингиз билдирган (бу сўзларни) эслангиз: «Қасамки, агар берган неъматларимга шукр қилсангизлар, албатта (уларни янада) зиёда қилурман. Энди агар куфрони (неъмат) қилсангизлар, албатта азобим ҳам жуда қаттиқдир»“. [14:7]
(أَذْكُرْكُمْ мен ҳам сизларни эслайман). Яъни, Мени эслаганинглар учун сизларни савоб билан тақдирлайман. Бу сўз мажозий маънода киноя бўлиб қўлланяпти. Аллоҳнинг бизни эслаши саломга яраша алигидан ташқари бизни яна савоб билан тақдирлашидан ҳам киноядир.
49-бет
Бетлар:1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208